Zbulohet burimi me sasi të madhe litiumi, prodhon bateri për 382 milionë makina elektrike

Një studim i fundit ka nxjerrë në pah një burim të jashtëzakonshëm litiumi, i njohur si “ari i bardhë".

Në fund të liqenit Salton Sea në Kaliforni, është zbuluar një sasi litiumi që mund të vlerësohet në 540 miliardë dollarë.

Ky litium mund të përdoret për të prodhuar bateri për mbi 382 milionë automjete elektrike, më shumë se numri total i makinave elektrike që janë aktualisht në rrugët e Shteteve të Bashkuara.

Sammy Roth për Los Angeles Times, tha se: Nëse mund ta nxjerrim gjithë atë litium, do të ishte një mundësi e jashtëzakonshme.

Ky zbulim i litiumit mund të ndikojë në industrinë globale të makinave elektrike dhe energjisë së rinovueshme.