Roboti në Pekin fiton garën e vrapit dhe thyen rekordin e njeriut (VIDEO)
Lajmifundit
/
19 April 2026, 14:57
Teknologji
Një maratonë e veçantë është zhvilluar në Pekin të Kinës ku pjesëmarrësit nuk ishin njerëzit por robotët humanoidë, të cilët treguan se vrapojnë shumë më shpejt seç mendohej.
ONE ROBOT STUMBLES AHEAD OF BEIJING HALF MARATHON ????
— Joni Job (@jj_talking) April 18, 2026
Over 300 robots will take part in the foot race and will start at the same time as their roughly 12,000 human counterparts in Beijing’s E-Town. pic.twitter.com/gDahTYHWc1
Roboti fitues, i zhvilluar nga kompania kineze Honor, përfundoi garën 21 kilometra në vetëm 50 minuta e 26 sekonda, sipas një njoftimi nga zona teknologjike e Pekinit ku u zhvillua eventi.
Për krahasim, rekordi botëror për njerëzit mbahet nga atleti ugandez Jacob Kiplimo, i cili e ka përfunduar këtë distancë për rreth 57 minuta në një garë në Lisbonë muajin e kaluar.
Çfarë do të thotë kjo? Një makinë arriti të vrapojë më shpejt se njeriu më i shpejtë në botë për këtë disiplinë.
Kjo garë, sipas mediave të huaja, dhe krahasimi me vitin e shkuar tregon qartë se sa shpejt po ecën teknologjia në Kinë.
Në garën e parë të këtij lloji, roboti fitues e përfundoi gjysmëmaratonën për 2 orë e 40 minuta, ndërsa këtë vit iu deshën më pak se një orë për t'ia kaluar njeriut.