Video, vëllai i Klaus Gjasulës shpërthen në lot pas golit të barazimit ndaj Kroacisë

Emocione të forta shoqeruan një ditë më parë ndeshjen e Kombëtares teksa ekipi, zbriti në fushë përballë Kroacisë, duke marrë barazim në frymën e fundit.

Goli i barazimit erdhi nga Klaus Gjasula në minutën e 94, duke u bërë kështu dhe goli që shënohet në vonë.

I gjithë stadiumi u drodh nga brohorima e tifozëve shqiptarë, nuk kishte si të mos dallohej gëzimi në sytë e familjarëve të Gjasulës, i cili shënoi më herët dhe një autogol.

Në këto pamje që janë shpërndarë tashmë gjerësisht në rrjet, shihet vëllai i Gjasulës, i cili shpërthen në lot me ngashërim pas barazimit.