Presidenti i Real Madrid, Florentino Perez akuzon Shqipërinë për votat e 'Topit të Artë'

Real Madridid nuk i del e keqja që Vinicius Junior nuk mundi të fitonte "Topin e Artë" dhe vendin e parë e siguroi Rodri i Manchester City.

Pasi bojkotuan ceremoninë e 28 tetorit në Paris, Real Madrid është kujdesur që të zhvlerësojë sërish eventin.

Presidenti i Real Madrid, Florentino Perez ka folur për këtë çështje duke përmendur edhe votën e gazetarit Besnik Dizdari të Shqipërisë, duke mos thënë të vërtetën.

"Pa impaktin e katër gazetarëve nga Namibia, Uganda, Shqipëria dhe Finlanda, Vinicius do të kishte fituar “Topin e Artë”.

Asnjë nga këto vende as nuk e kanë përfshirë Viniciusin as mes 10 më të mirëve, nuk i kanë dhënë as një pikë”, ishin fjalët e Perez duke qeshur para sallës që e duartrokiste.

Diçka e tillë nuk është e vërtetë, pasi përfaqësuesi nga Shqipëria i ka dhënë tri pikë Viniciusit në këtë garë individuale.

Dizdari i ka dhënë 15 pikë Rodrit, 12 pikë Yamal, 10 pikë Carvajal, 8 pikë Bellingham, 7 pikë Rudiger, 5 pikë Haaland, 4 pikë Lautaro Martinez, 3 pikë Vinicius, 2 pikë Mbappe dhe 1 pikë Xhakës.