Luis Enrique i dedikoi fitoren vajzës së ndjerë, asistenti i tij humbi gruan 6 muaj më parë

Me një performancë historike në Mynih, Paris Saint-Germain mposhti Interin me rezultatin 5-0 dhe fitoi Ligën e Kampionëve për herë të parë në historinë e tyre.

Golat nga Achraf Hakimi, Desiree Douet (dy herë), Hvitsa Kvaratshelia dhe Senny Mayulu vulosën një triumf të paparë për parisienët, të cilët festuan titullin mes emocionesh.

Por pas shkëlqimit të suksesit, fshiheshin momente njerëzore me emocione të thella.

Trajneri i Parisit, Luis Enrique, ia dedikoi fitoren vajzës së tij të ndjerë, Xana, e cila ndërroi jetë në vitin 2019 në moshën nëntë vjeçare.

Pas fishkëllimës së fundit, trajneri spanjoll u gjunjëzua në fushën e Allianz Arenës, i veshur me një bluzë me logon e Fundación Xana.

Ishte një “lamtumirë” e heshtur, por e ngarkuar, triumfi i tij më personal.

Në krah të tij, bashkëpunëtori i tij i ngushtë, Raphael Pol, 38-vjeçari, i cili ka qenë në krah të Enriques që nga koha e tij te Barcelona, ​​humbi gruan e tij, Raquel, gjashtë muaj më parë pas një sëmundjeje të gjatë.

Natën e fitores së tij më të madhe profesionale, Paul shpërtheu në lot.

Lotët e tij nuk ishin vetëm për fitimin e trofeut, por edhe për humbjen që i rëndonte në zemër.

Nëntorin e kaluar, pas një fitoreje në ligë, Luis Enrique iu referua humbjes së madhe gjatë një konference për shtyp: “Para se të fillojmë, dua të them se sot është një ditë shumë e trishtueshme.

Një anëtar kyç i ekipit humbi gruan e tij. Gruaja e Raphael Pol ndërroi jetë pas një sëmundjeje të gjatë. Duam t’ia kushtojmë këtë fitore Raquel dhe Rafael, por sigurisht edhe familjes së tyre. Ne ndajmë dhimbjen e tyre dhe u dërgojmë gjithë mbështetjen tonë.”

Mbrëmë, ndërsa Parisi ngriti trofeun e lakmuar, ai qëndroi në heshtje në anë të fushës, duke shikuar bosh, i ngarkuar emocionalisht.

Ishte një moment trishtues, që ai nuk e ndau me personin e tij më të dashur./vizionplus