Juventus tripletë Lecce-s, merr kryesimin e Serisë A

Juventusi ka korrur një fitore të madhe ndaj Lecces me rezultatin 3-0 në kuadër të xhiros së 21-të të Serie A.

Fitorja është e madhe për Zonjën e Vjetër, pasi luante pa dy lojtarët kryesorë, Federico Chiesan dhe Adrien Rabiotin, ndërsa ky triumf e dërgon në vendin e parë në kampionatin italian.

Pjesa e parë ishte e qetë, pa raste të mëdha. Në pjesën e dytë, bardhëzinjtë filluan sulmet, duke gjetur golin në minutën e 59-të, me sulmuesin Dusan Vlahovic (1-0).

I njëjti lojtar shënoi edhe pas dhjetë minutash kur një top që po shkonte në portë nga gjuajtja e McKennie, ai e dergoi në portën e zbrazët për 2-0.

Në fund, në minutën e 85-të kishte mundësi edhe për një gol nga mbrojtësi Bremer, që konfirmoi ecurinë fantastike të Juventusit.

Më këtë fitore, e shtata me radhë, Juventusi është lider me 51 pikë, një më shumë se sa Interi, që ka një ndeshje më pak të zhvilluar.