Infektohet me Covid lojtari gjerman, rrezikohet anulimi i ndeshjes me Islandën

Një lajm i keq ka ardhur nga kombëtarja gjermane, ku mësohet se mesfushori Jonas Hofmann, është infektuar me Covid. Kjo, për pasojë, mund të detyrojë anulimin e ndeshjes mes Gjermanisë dhe Islandës. Mediat e huaja shkruajnë se mesfushori i Borussia M’Gladgah ka dalë pozitiv me COVID-19, dhe kjo vë në dyshim nëse ndeshja e programuar sot, do luhet apo jo.

Lajmi u dha nga drejtori i ekipit kombëtar të Gjermanisë,  Oliver Bierhoof. “Është një lajm i hidhur pak para ndeshjes, për trajnerin dhe për të gjithë ekipin. Besojmë se do të mbetet vetëm me këtë rast, pasi i kemi zbatuar të gjitha masat e higjienës me disiplinë të madhe deri tani.

Normalisht do të zbatojmë të gjitha kërkesat e autoriteteve”, tha ai, ndërsa duhet të theksojmë se Hofmann është stërvitur një ditë më parë me skuadrën në Duisburg dhe është e pashmangshme frika që ndonjë lojtarë tjetër të jetë infektuar me COVID-19.