I mërzitur dhe me shenja në fytyrë e kokë, habit Guardiola: Gërvishta veten gjatë ndeshjes

Trajneri i Manchester Cityt, Josep Guardiola, foli pas barazimit dramatik 3-3 që ekipi i tij shënoi në shtëpi kundër Feyenoord në ditën e pestë të ndeshjeve në Champions League.

Guardiola doli në konferencë pas ndeshjes dhe menjëherë të gjithë vunë re gërvishtjet në kokën dhe fytyrën e tij.

E gjithë koka i ishte gërvishtur dhe gjaku në hundë ishte i dallueshëm.

“Me gishtat e mi”, tha Guardiola kur u pyet se si ishin bërë gërvishtjet, më pas shtoi: “Doja të lëndoja veten”.

Deri në minutën e 75-të të ndeshjes Man. City kryesonte 3-0 dhe në harkun e 15 minutave të fundit të ndeshjes pësoi tre gola të evitueshëm, që erdhën edhe për gabimin e tyre.

City ka gjashtë ndeshje radhazi që nuk fiton, pesë nga të cilat humbje në të gjitha kompeticionet dhe është në krizë.