Europa League, Athletic Bilbao e Eintracht Frankfurt kualifikohen, eliminohen Roma e Ajax

Athletic Bilbao dhe Eintracht Frankfurt kanë siguruar kualifikimin në çerekfinale të Europa League, duke triumfuar ndaj Roms dhe Ajax me paraqitje mbresëlënëse.

Skuadra baske e ka përmbysur disavantazhin e ndeshjes së parë dhe e ka mposhtur Roma me rezultat 3-1, duke kaluar më tej me rezultat të përgjithshëm 4-3.

Nico Williams ka qenë ylli i takimit me dy gola, ndërsa Yuri Berchiche ka kontribuuar me një tjetër, duke bërë të pavlefshëm golin e vetëm të Roma nga penalltia në fundin e ndeshjes.

Një karton i kuq për Matt Hummels në minutën e njëmbëdhjetë e ka lënë ekipin italian në vështirësi të madhe.

Nga ana tjetër, Eintracht Frankfurt e ka deklasuar Ajax me rezultat 4-1, duke e eliminuar me shifrat e përgjithshme 6-2.

J. Bahoya e ka hapur serinë e golave, ndërsa Mario Gotze ka realizuar dy herë për ta vulosur fitoren e thellë të gjermanëve.

Hugo Ekitike dhe Ansgar Knauff kanë dhënë kontribut të madh me asistimet e tyre, duke mos i lënë asnjë shans skuadrës holandeze për rikthim.