Dardan Berisha i jep fund beqarisë/ Basketbollisti kurorëzon dashurinë me Belindën

Basketbollisti i njohur pejan, Dardan Berisha, i ka dhënë fund beqarisë, duke kurorëzuar dashurinë me partneren e tij, Belindën.

Berisha, një nga emrat më të spikatur të basketbollit kosovar, ka ndarë me familjarët, miqtë dhe të afërmit një nga momentet më të rëndësishme të jetës së tij.

Pas një karriere të gjatë dhe të suksesshme në basketboll, gjatë së cilës ka përfaqësuar edhe Kombëtaren e Kosovës, Berisha tashmë ka nisur një kapitull të ri në jetën private.

Momente nga ceremonia e martesës janë ndarë edhe në rrjetet sociale, ku çifti ka marrë urime të shumta nga miqtë, kolegët dhe ndjekësit.

Kështu, basketbollisti pejan i ka dhënë fund beqarisë dhe ka kurorëzuar dashurinë me Belindën, duke nisur së bashku një etapë të re të jetës.