Boksieri shqiptar “bishë”, mposht me KO kundërshtarin ukrainas

Jurgen Uldedaj rikthehet në ring me një fitore bindëse. Boksieri lezhjan ka mundur me nokaut në raundin e shtatë ukrainasin Dmitri Serguta.

Kjo ishte fitorja e 14-të e 23-vjeçarit që bokson në kategorinë “Cruiser” (deri në 90 kilogram).

Uldedaj prej vitesh stërvitet në Gjermani nën urdhrat e trajnerit Dirk Dzemski dhe promotorit më të njohur në Gjermani Ulf Steinforth.

Me kalimin e viteve Uldedaj ka legjitimuar veten si bokseri numër një në peshën “Cruiser” në skenën gjermane të boksit.