Allegri mes krizës te Milan: Dua të qëndroj në Milano për sa më gjatë

Trajneri i Milanit, Massimiliano Allegri, ka theksuar rëndësinë e unitetit brenda klubit në një moment delikat, mes rezultateve të paqëndrueshme dhe zërave të shumtë për të ardhmen e skuadrës.

“Në klub nuk mund të biesh gjithmonë dakord; gjëja e rëndësishme është të punojmë për të mirën e klubit”, u shpreh Allegri në konferencën për shtyp në prag të ndeshjes ndaj Atalantws.

Tekniku italian vlerësoi gjithashtu mbështetjen e tifozëve, pavarësisht protestave që kanë shoqëruar klubin kohët e fundit. “Deri më tani, tifozët kanë qenë gjithmonë mbështetës dhe kemi disa prej tyre edhe nesër”, shtoi ai.

Në kampin kuqezi, situata mbetet e tensionuar edhe për shkak të diskutimeve rreth drejtimit të klubit dhe rolit të drejtorit ekzekutiv Giorgio Furlani, ndërsa në media qarkullojnë edhe spekulime për të ardhmen e stafit teknik dhe lojtarëve.

Allegri theksoi se brenda klubit ka pasur diskutime të vazhdueshme, por kjo është pjesë normale e punës në një skuadër të madhe. “Nuk biem gjithmonë dakord, por është normale. E rëndësishme është që të gjithë të punojmë së bashku për Milanin”, u shpreh ai.

Trajneri shtoi se nuk është ndjerë i izoluar dhe se dialogu me drejtuesit ka qenë i vazhdueshëm, ndërsa theksoi se skuadra po ndërton një bazë të fortë edhe me afrimet e reja që ende po integrohen.

“Dua të qëndroj në Milan për sa më gjatë të jetë e mundur”, përfundoi Allegri.