VIDEO/ Ra nga skena në konkursin e bukurisë, Miss Xhamajka ende në gjendje të rëndë, po lufton me jetën!

Pak para kurorëzimit të Miss Universe të këtij viti , u njoftua se Miss Xhamajka , Dr. Gabrielle Henry, kishte rënë nga skena dhe ishte plagosur aq rëndë saqë u dërgua me urgjencë në njësinë e kujdesit intensiv.

Lajmet e fundit rreth gjendjes së saj nuk janë shumë të mira. Në një njoftim për shtyp të lëshuar nga kompania organizuese e konkursit të bukurisë, u zbulua se Dr. Henry pësoi, ndër lëndime të tjera, një hemorragji intrakraniale.

Menjëherë pas rënies së saj, konkurrentja u transferua në një spital të Bangkokut, në një njësi kujdesi intensiv në gjendje kritike. Deri më sot, ajo monitorohet nga afër nga mjekët, 24 orë në ditë.