U dënua një ditë më parë, Gjesti shfaqet i qetë nga plazhi me një mesazh të vetëm

Vetëm një ditë pasi u dënua nga gjykata, Gjesti duket se ka zgjedhur të mos e prishë qetësinë e pushimeve.

Këngëtari ka ndarë me ndjekësit një fotografi nga plazhi, ku shihet i shtrirë pranë detit, ndërsa mbi imazhin ka vendosur vetëm një fjalë: “Calm”.

Postimi i tij vjen menjëherë pas vendimit të Gjykatës Themelore në Prishtinë, e cila e dënoi me dy vjet burgim me kusht dhe 6 mijë euro gjobë, pas aprovimit të marrëveshjes për pranimin e fajësisë.

Gjesti u shpall fajtor për veprat penale që lidhen me armëmbajtjen pa leje, kanosjen dhe asgjësimin apo dëmtimin e pasurisë.

Ndërsa vendimi ka marrë vëmendje të madhe, këngëtari deri tani nuk ka bërë një reagim të drejtpërdrejtë për dënimin.

Në vend të një deklarate, Gjesti ka zgjedhur të publikojë një tjetër moment nga pushimet, duke dhënë përshtypjen se po përpiqet ta mbajë larg vëmendjes situatën ligjore.

Një fotografi nga deti, një fjalë e vetme dhe një mesazh që po ngjall reagime te ndjekësit.