Rrjeti ‘kryqëzoi’ për racizëm Ledrin dhe Romeon pasi hoqën emrin e Klementit nga kënga e tyre, reagon artisti

Ledri Vula dhe Romeo Veshaj në hitin më të fundit “E Keni Dit” bashkëpunuan me një këngëtarë të mitur rom, zëri melodioz i këtij të fundit ka bërë për vete një publik të gjerë. Në rrjetet sociale, refreni i kënduar nga Klementi është që tani është bërë trend, duke shoqëruar qindra video nga admirues në Instagram dhe Tik Tok.

Mirëpo në këngën e publikuar një detaj u vë re nga publiku, emri i të miturit nuk ishte postuar titullin kryesor në Youtube dhe as në videoklip Klementi nuk duket askund.

Ky veprim i dy këngëtarëve të njohur u ‘kryqëzua’ në rrjet nga publiku dhe u quajt si rracizëm.

Mirëpo në lidhje me këtë ngjarje ka reaguar edhe vetë Klementi teksa së fundmi ishte i ftuar në emisionin “Më prit në fundjavë”.

Duke i cilësuar dy këngëtarët si fantastikë, ai tha se ishte dëshira e tij ku ka sqaruar se ishte dëshira e tij që emri t’i shfaqej te përshkrimi.

“Më kanë ftuar djemtë, janë fantastikë. Romeo, Giti, Ledri i dua shumë. Për emrin e doja vet tek përshkrimi, kështu ramë dakord. Romeo dhe Ledri do e kishin bërë, por kështu ramë dakord. Edhe për videoklipin folëm para se të bëhej kënga. Ne do kemi projekte të tjera, kemi materiale të tjera për verën”, u shpreh Klementi.