Ronela Hajati fituese e Festivalit të Këngës në RTSH

Ronela Hajati është shpallur fituese e Festivalit të 60-të të këngës në RTSH duke qenë kështu edhe artistja që do të përfaqësojë Shqipërinë në Eurovizion, me këngën “Sekret”.

“Ky është çmimi i parë që unë marr dhe do të jetë nga më të rëndësishmit. Kjo këngë i dedikohet vetëm babës tim dhe dua të falënderoj jurinë që më ka votuar. Falënderoj të gjithë miqtë e mi të ngushtë që më kanë sportuar. Mamanë time që është në sallë. Mami ku je? Mami më në fund është e lumtur për mua. Ka shumë njerëz që nuk kanë besuar te unë, por shihemi në Torino” tha këngëtarja pas marrjes së trofeut.

Në vendin e dytë u pozicionua Alban Ramosaj, i cili i kërkoi Ronelës që të sjellë Eurovision-in në Shqipëri. “Jam shumë falënderues për të gjithë bashkëpunëtorët e mi dhe dashurinë që më keni falur. Ronela, po nuk e solle Eurovision-in në Shqipëri, por nuk e solle….Miq duartrokitje për Ronelën”, tha Ramosaj.