Presidenti i Bjellorusisë mohon akuzat: Nuk e dija se gazetari ishte në avion

Tre ditë pas trazirave të shkaktuara për shkak të avionit të ulur në Bjellorusi, ka folur presidenti  Aleksandër Lukashenko. Ai u shpreh se nuk ishte në dijeni që gazetari i opozitës Roman Protashevich ishte në bordin e avionit që devijoi fluturimin për në Minsk.  Ai shtoi se besonte se nuk do të kishte përsëritje të protestave masive që shpërthyen verën e kaluar.

Reagimi i tij erdhi pasi lideri i opozitës në internim Svetlana Tikhanovskaya deklaroi se opozita po planifikonte një fazë të re të protestave anti-qeveritare në Bjellorusi.

Kujtojmë se gazetari Roman Protashevich u arrestua të dielën në Minks, pasi Bjellorusia dërgoi një avion luftarak dhe detyroi avionin në të cilën ai po udhëtonte të ulej me pretekstin e informacionit për bombë në bord. Gjithçka ishte plan për të arrestuar gazetarin.