Nuk zgjati shumë/ Kelly Osbourne ndahet nga Sid Wilson pak muaj pas fejesës

Kelly Osbourne dhe Sid Wilson janë ndarë vetëm shtatë muaj pasi DJ i Slipknot i propozoi martesë në koncertin e fundit të babait të saj, Ozzy -t, me Black Sabbath në Birmingham.

Sipas njerëzve pranë vajzës së legjendës së heavy metal, e cila vdiq më 22 korrik, Osbourne ka pasur një muaj “të vështirë” duke u përpjekur të përballojë ndarjen, ndërsa gjithashtu është përqendruar në të qenit nëna më e mirë që mund të jetë për të birin.

Ish-çifti, të cilët kanë qenë bashkë për 27 vjet, kanë një fëmijë së bashku, Sidney trevjeçar, i cili u emërua sipas babait të tij.

I njëjti burim tha se “Kelly dhe Syd kanë vendosur ta anulojnë fejesën e tyre. Kelly ka pasur vështirësi pas vdekjes së babait të saj. Procesi i zisë ka qenë jashtëzakonisht i vështirë dhe ajo ka bërë gjithçka që mundet për t’u përballur“.

Në të njëjtën kohë, i njëjti person vuri në dukje se ish-çifti kishte kohë që përballej me probleme në marrëdhënien e tyre, duke u përpjekur t’i zgjidhte ato, kryesisht për hir të fëmijës së tyre, por në fund vendosën që ndarja ishte opsioni më i mirë.

Wilson i propozoi Osbourne gjatë koncertit të fundit të Black Sabbath me babain e saj, Ozzy Osbourne, të shtunën, më 5 korrik, në Villa Park, Angli, duke i ofruar asaj një unazë të madhe diamanti. Osbourne u shfaq për herë të fundit me Syd në ndarjen e çmimeve Grammy në shkurt, dhe që atëherë është shfaqur kryesisht në publik me miqtë ose me nënën e saj, Sharon./Shqip