Mbahen sot homazhet për aktoren e famshme, nëna dhe i dashuri i saj ndalohen në ceremoni

Nëna e Hayden Panettiere, Lesley Vogel, dhe i dashuri i saj, Brian Hickerson, nuk do të marrin pjesë në ceremoninë përkujtimore të aktores së ndjerë këtë fundjavë, raporton TMZ.

Burime familjare i thanë TMZ-së se Brian dhe vëllai i tij, Zach Hickerson, nuk janë lejuar të marrin pjesë në homazhet për Hayden, dhe e njëjta gjë vlen edhe për Lesley.

Familja e Hayden, përfshirë babain e saj, Skip Panettiere, miq të afërt dhe figura të njohura të Hollywood-it, do të mblidhen të shtunën për një ceremoni përkujtimore në një kishë në Malibu.

Mungesa e nënës së aktores vjen pas një marrëdhënieje të tensionuar mes tyre gjatë viteve të fundit. Hayden dhe Lesley kishin pasur përplasje për mënyrën se si nëna e kishte menaxhuar karrierën e saj që në fëmijëri, ndërsa marrëdhënia u përkeqësua edhe për shkak të partnerit të aktores, Brian Hickerson.

Sipas deklarimeve të mëparshme të Lesley, ajo ishte përpjekur ta ndihmonte vajzën të largohej nga Hickerson dhe i kishte vendosur një ultimatum për marrëdhënien e tyre. Pas kësaj, nënë e bijë u distancuan.

Nga ana tjetër, Hayden kishte dhënë një version tjetër për marrëdhënien me të ëmën, duke e akuzuar atë për disa deklarata që i konsideronte të pavërteta. Të dyja palët kanë dhënë versione të ndryshme për konfliktin mes tyre.

Sa i përket vendndodhjes se homaheve, burimet thonë se Hayden e donte oqeanin dhe balenat, ndaj një ambient bregdetar në një kishë në Malibu ka një domethënie të veçantë për familjen e saj.

Prindërit e Hayden u ndanë në vitin 2008 dhe divorci i tyre u finalizua në vitin 2016. Marrëdhënia mes Hayden dhe nënës së saj ishte e tensionuar gjatë viteve të fundit të jetës së aktores.

Hayden vdiq më 16 gusht, pasi u gjet pa ndjenja brenda një apartamenti të marrë me Airbnb në Greenville, Karolina e Jugut. Shkaku i vdekjes nuk është konfirmuar zyrtarisht, ndërsa autopsia nuk gjeti shenja traume që mund të kishin shkaktuar vdekjen.