Jasmina xheloze, heq këngën e Dionës në festën e “Për’puthen” (Foto)

Andi dhe Jasmina, një nga çiftet më të përfolura të “Përputhen” nuk janë më bashkë dhe kjo ka versione të ndryshme nga secili. Jasmina pretendon se Andi nuk e merrte seriozisht ose që ai nuk kishte ndjenja për të, nga ana tjetër, Andi mendon se ish- konkurrentja është shumë xheloze dhe posesive. Më saktë, kështu shprehej kur ishin në emision, pasi qëkur doli, nuk ka folur më për të.

Ndërkohë që secili po shikon jetën e tij, në festën e përbashkët të “Për’puthen”, ishte një moment kur në sfond u vendos kënga e Diona Fonës, “Sheqer”, ku Andi ishte model në klip.

Në momentin kur po luhej kënga dhe të gjithë po kërcenin, Jasmina shkon pranë DJ-t dhe fik muzikën, duke i lënë të gjithë të habitur e duke i bërë të qeshin me skenën e xhelozisë së saj, siç mund ta shihni në video.