Hidhet nga kati i katërt i pallatit, balerini i njohur Eno Birko nën kujdesin e mjekëve në spital

Tirane - Balerini i njohur shqiptar, Eno Birko dyshohet se ka tentuar vetëvrasjen duke u hedhur nga kati i katërt i pallatit në kryeqytet.

Sipas policisë ai ka pësuar dëmtime dhe ndodhet në spital në kujdesin e mjekëve.

“Më datë 03.12.2024, rreth orës 01:00, në rrugën “Margarita Tutulani”, dyshohet se është vetëhedhur nga kati i katërt i pallatit, shtetasi E. B., 50 vjeç.

Si pasojë ky shtetas është dëmtuar dhe ndodhet në spital, në kujdesin e mjekëve”, njoftoi policia.

Ende nuk dihen arsyet që e kanë çuar 50-vjeçarin drejt këtij akti ekstrem.

Ai është një nga figurat e njohura të artit dhe baletit shqiptar, teksa ka qenë i pranishëm në shumë shfaqje dhe spektakle.