“Gjestin nuk e konsideroj të fortë”, Shkëlzeni kritikon Gertën për Kutinë e Pandorës

Në një diskutim të tensionuar në oborrin e shtëpisë, Gerta dhe Shkelzeni shprehën mendimet e tyre të kundërta rreth nominimit që banorja bëri me Kutinë e Pandorës.

Shkelzeni e kritikoi ashpër zgjedhjen e saj për të nominuar Rozanën, Laertin dhe Amberin, duke e quajtur një gabim strategjik, pasi ai mendonte se Gerta kishte dërguar njerëzit më të fortë përballë me të.

“Ti the se i vendosa ata që i konsideroj më të fortë përballë meje”, tha Shkelzeni. Nga ana e saj, Gerta i kundërshtoi këto pohime, duke theksuar se nuk e konsideronte nominimin si një sfidë përballë tij dhe se veprimet e saj ishin një analizë strategjike, e bazuar në situatën që po kalonin.

Gerta u shpreh: “Nuk e konsideroj këtë veprim si një forcë përballë meje. Ta them edhe një herë: Çfarë ka që ti nuk beson? Ne jemi dy breza tërësisht të ndryshëm”.

Nga ana tjetër, Shkelzeni vazhdoi të theksojë se nominimi i Gertës ishte i panevojshëm, duke thënë se ishte e qartë që Amberi do të eliminohej. Ai e cilësoi këtë si një veprim të kotë dhe e sfidoi Gertën të ishte pjesë e “Gjestit” për të kuptuar më mirë situatën.

Gerta u shpreh se nuk e shikon fare si lojtar të fortë Gjestin, duke shtuar se atë e kaloi kur doli me Zarf të Zi.