Gjesti feston 26-vjetorin dhe “surprizon” fansat me një projekt të ri muzikor

Gjesti feston sot 26-vjetorin e lindjes. Me hyrjen e mesnatës, urimet nga kolegët, miqtë dhe fansat kanë vërshuar në rrjetet sociale.

Mes urimeve më të veçanta ishte ai i mikut dhe bashkëpunëtorit të tij të ngushtë, DJ Gimbo, i cili përmes një postimi i uroi artistit suksese dhe paqe në këtë kapitull të ri të jetës.

Në këtë ditë speciale, nuk është vetëm Gjesti ai që merr dhurata, por edhe fansat e tij.

Artisti ka vendosur t’i surprizojë ndjekësit besnikë me publikimin e një projekti të ri muzikor.

Sot në orën 18:00 pritet të publikohet EP-i i tij më i ri, i titulluar “SIR”.

Projekti përmban pesë këngë të reja dhe premton të sjellë një frymë dhe stil të ri në tregun muzikor.