Foto/ Partnerja e tij feston 27-vjetorin e lindjes, Princ Leka e surprizon me një mesazh dashurie në tortë!

Blerta Celibashi feston sot 27-vjetorin e lindjes. Në këtë ditë të veçantë, nuk ka munguar as urimi i Princ Lekës i cili është dhe partneri i fotografes.

"Ti je ditët e mia me diell", ky ka qenë urimi i Princit. Këtë mesazh Princi kishte zgjedhur ta tregonte ndryshe përmes një mbishkrimi në tortën me 27 qirinjtë e festës.

Mosha është pikërisht edhe një nga temat që është diskutuar kur u zbulua lidhja e saj me Princin, pasi dyshja ka 16 vite diferencë.

Qëkur doli në skenë historia e saj me Lekën, Blerta ka zgjedhur që të heshtë, duke preferuar të mos japë detaje rreth kësaj lidhjeje aq shumë të mediatizuar. Që nga divorci i Lekës në fund të prillit, tashmë çifti nuk fshihet më.