Enca del foto me një kec, tallet me Dafinën dhe albumin e saj të ri (Foto)

Artistët kanë mënyra të ndryshme për të uruar njëri- tjetrin për sukseset në muzikë. Para disa ditësh, Dafina Zeqiri publikoi albumin “Dafinë Moj”, duke u përballur me kritika por edhe mbështetje nga fansat e saj.

Në mesin e tyre që e mbështesin, edhe pse jo me fjalë të mëdha, është Enca Haxhiaj. 26-vjeçarja ka publikuar një foto në Instastory, ku shihet me një kec.

“Foto për albumin tim ‘Encë moj’, ka shkruar Enca me shaka përmbi foto dhe ka etiketuar Dafinën.

Kjo vjen pasi Dafina në një videoklip është në një fushë me dele, ku në një moment mban një dele në krah. Ndërkohë koncepti i kësaj fotografie është dashuria që çdo nënë ka për fëmijën e saj.