Egli Tako flet për herë të parë për bashkëpunimin me Olsi Bylykun/ Ja çfarë zbulon këngëtarja

Këngëtarja dhe ish-banorja e Big Brother VIP Albania 4, Egli Tako, e ftuar ne nje studio televizive ka folur hapur për hapat e parë në muzikë dhe rrugëtimin e saj artistik.

Gjatë intervistës, ajo u ndal te bashkëpunimi i saj i parë muzikor me aktorin dhe këngëtarin Olsi Bylyku, me të cilin dikur ishte edhe në një lidhje. Egli u shpreh se ai projekt zë një vend të veçantë në karrierën e saj dhe se do ta kujtojë gjithmonë me mirënjohje.

“Do flisja përgjithmonë me shumë mirënjohje dhe kënaqësi për këtë material muzikor, pasi ka qenë materiali i parë”,-tha ajo.

Artistja shtoi se në muzikë jo çdo projekt arrin të prekë publikun në masën e dëshiruar.

“Të gjithë artistët e dinë se jo çdo material që lansojnë arrin të prekë një masë të madhe të popullit. Ky ka qenë materiali im i parë që arriti të prekë të gjithë shqiptarët anë e mbanë botës, kudo që ishin” -u shpreh Egli.

Në fund, ajo theksoi se për atë bashkëpunim dhe për Olsi Bylykun ruan vetëm mirënjohje, duke vlerësuar rëndësinë që ai projekt pati në nisjen e karrierës së saj artistike, pavarësisht historisë së tyre personale.