Do lihet në burg apo do lirohet? Merret vendimi për bashkëshortin e Angela Martinit!

Pas gjashtë vitesh betejash ligjore, drejtësia më në fund ka triumfuar për Dragoș Săvulescu. Gjykata e Lartë e Drejtësisë në Rumani ka vendosur në favor të tij, duke pranuar se Rumania kishte mbajtur në mënyrë të paligjshme një urdhër-arresti kundër tij për vite me radhë, pavarësisht se Italia e kishte anuluar plotësisht dënimin e tij..

Italia kishte rrëzuar tashmë vendimet e Rumanisë kundër tij, i kishte dhënë shtetësi italiane dhe kishte fshirë regjistrin e tij penal. Megjithatë, për vite me radhë, Rumania refuzoi të njihte vendimet e gjykatave italiane, duke e mbajtur mbi të një barrë juridike të paligjshme.

Kjo ndryshoi dje, kur Gjykata e Lartë e Drejtësisë në Rumani më në fund pranoi vendimin e Italisë dhe anuloi urdhrin e arrestit, duke vërtetuar se ndjekja ligjore shumëvjeçare ndaj tij ishte në fakt e paligjshme.