Baba për herë të tretë - Renis Gjoka emocionon me fjalët per të birin

Këngëtari i njohur shqiptar, Renis Gjoka, është bërë baba për herë të tretë. Renisi, i njohur për zërin e tij të veçantë dhe për tekstet me ndjeshmëri të lartë, po përjeton një kapitull të bukur dhe shumë personal, atësinë.

Lajmin e bukur e ndau vetë artisti përmes një postimi emocional në rrjetet sociale, ku konfirmoi ardhjen në jetë të të birit.

Në një post të shkurtër, por domethënës, Renisi shkruan:

“Mirë se erdhe, shoku im i vogël, në këtë udhëtim përmes dritës dhe hijes. Do jem këtu për të të ndihmuar të kalosh gjithçka. Zoti të bekoftë, ”

Fjalë të thjeshta por që mbajnë peshë të madhe emocionale duke reflektuar përgjegjësinë që sjell ardhja në jetë e një fëmije për çdo prind që përjeton këtë moment.

Urimet për artistin kanë vërshuar nga ndjekësit, miqtë dhe kolegë në rrjete sociale, ndërsa momenti mbetet një kujtim i paharrueshëm për të dhe familjen e tij.