Avioni me tym të kaltërt, ja pamje nga festa spektakolare e Tunës për gjininë e bebit (Video)

Tuna bëhet nënë sërish. Pak ditë më parë, vetë këngëtarja postoi në Instagram që i dha jetë një tjetër djali, duke habitur të gjithë. Askush nuk e dinte se ajo ishte shtatëzanë, pasi këngëtarja e mbajti të fshehtë për plot 9 muaj.

Ajo tregon imazhin e fëmijës dhe zbulon emrin e tij, Zen. Tuna tashmë, teksa të gjithë e morën vesh lajmin e mirë, ajo ka publikuar pamje nga festa ku morën vësh për gjininë e fëmijës.  Këtë festë, ajo e kishte realizuar në aeroportin e Shkupit, ku me ç’rast për ta bërë edhe më emocionues momentin e kumtimit të gjinisë, ajo kishte aranzhuar nisjen e një aeroplani, tymi i së cilës do të tregonte se çfarë priste të sjellë në jetë artistja.

Me t’u ngritur aeroplani, ai lëshoi tymin me ngjyrë të kaltër, duke bërë kështu të ditur se Tuna ishte në pritjen e ëmbël të një tjetër djali. Ajo ka ndarë së fundmi me ndjekësit e saj në Instagram një video nga kjo festë e veçantë, e cila ishte organizuar muaj më parë.