Kushtetuesja pranon kërkesën e PD, do të shqyrtojë ligjshmërinë e zgjedhjes së Endri Shabanit si Avokat Populli

1/5 e deputetëve kërkon verifikimin e Kushtetueshmërisë së zgjedhjes së Avokatit të Popullit.

Gjykata kushtetuese do të shqyrtojë kërkesën e 1/5 së deputetëve, për kushtetutshmërinë e vendimit të Kuvendit.

Kujtojmë se Endri Shabani u zgjodh pak kohë më parë Avokat i Popullit vetëm me votat e mazhorancës.

Opozita, e cila fillimisht e kishte mbështetur kandidaturën e tij, u tërhoq në momentet e fundit, duke e cilësuar Shabanin si një zgjedhje të kryeministrit Edi Rama.

Njoftimi i Gjykatës Kushtetuese:

Përshëndetje, Gjykata Kushtetuese vendosi kalimin për shqyrtim në seancë plenare të disa çështjeve, mbi bazë dokumentesh.

Ndër to është edhe:

Kërkesa e jo më pak se një të pestës së deputetëve të Kuvendit, që lidhet me verifikimin e procedurës së zgjedhjes së Avokatit të Popullit dhe kushtetutshmërinë e vendimit përkatës të Kuvendit

Vendimarrjen, së bashku me çështjet e tjera, i keni edhe në faqen zyrtare./Shqiptarja