Zelensky telefonatë me Edi Ramën, zbardh detaje nga biseda

Presidenti i Ukrainës, Volodymyr Zelensky ka zhvilluar një bisedë telefonike me kryeministrin shqiptar, Edi Rama.

Lajmin e ka bërë të ditur vetë presidenti ukrainas, ku përmes një postimi në "X", ndau edhe detajet e kësaj telefonate. Ai ka treguar se e ka informuar Ramën për sulmet e fundit, si dhe bashkëpunimin me partnerët evropianë dhe unitetin.

Postimi i plotë:

Pata një bisedë të mirë me Kryeministrin e Shqipërisë. E informova për sulmet e fundit ruse me raketa dhe dronë. Këto sulme tregojnë edhe një herë se Rusia nuk ka ndërmend t'i japë fund luftës. Kjo është arsyeja pse na duhet një presion mjaft i fortë për ta ndaluar më në fund.

Ne mbështetemi në të gjitha hapat e nevojshëm në këtë drejtim që do të ndërmerren në të ardhmen e afërt. Gjithashtu diskutuam bashkëpunimin tonë me partnerët evropianë dhe unitetin tonë.

E ftova Kryeministrin të marrë pjesë në Samitin Ukrainë-Evropë Juglindore, dhe Shqipëria do të përfaqësohet. Faleminderit, Shqipëri, për mbështetjen e Ukrainës dhe popullit tonë.