Ultimatumi i Yuri Kim pas shpalljes "non grata", Basha takim me Berishën në selinë e PD-së

Pas mbledhjes së Këshillit Kombëtar të PD-së, Sali Berisha dhe Lulzim Basha kanë zhvilluar një takim kokë më kokë mes tyre.

Pas shpalljes "non grata" të ish-kryeministrit Berisha, ambasadorja e SHBA-ve në Tiranë kërkoi nga Basha largimin e tij nga PD.

“Shpresoj që të gjithë të mund të pushojnë mirë gjatë gushtit, por shpresoj edhe që kur të kthehen të freskët dhe të ripërtërirë në vendosmërinë e tyre për të zgjedhur të ardhmen kundrejt të kaluarës”.

Kështu u shpreh Kim në fund të muajit korrik, që i vuri ultimatum kryedemokratit për të zgjedhur mes SHBA-së dhe liderit historik të PD-së, të cilin shefja e diplomacisë amerikane në Tiranë kërkoi që Lulzim Basha ta largonte nga grupi parlamentar në legjislaturën e re të Kuvendit, pasi Uashingtoni e shpalli “non grata”.