U padit për shpifje nga OSHEE, Gjykata e Posaçme shpall të pafajshëm Gazment Bardhin!

Gjykata e Posaçme ka shpallur te pafajshëm deputetin e Partise Demokratike Gazment Bardhi.

Bardhi u padit per shpifje nga OSHE ne lidhje me nje deklaretë të bërë me datë 18 tetor të vitit të kaluar ku thuhej se OSHEE, ka manipuluar përqindjen e humbjes së energjisë elektrike në rrjet.

Për këtë deklaratë kreu i grupit të PD, kreu edhe kallëzim penal në SPAK me dyshimin për shpërdorim detyrë dhe në seancën e së mërkurës, prokurorja Anita Jella konfirmoi se është regjistruar një procedim penal dhe po kryhen veprime hetimore.

Ndaj Gazment Bardhit po vijon një tjetër proces për shpifje në gjykatën e posaçme, këtë radhë nga ish-drejtori i policisë së Shkodrës Edmond Sulaj.