“T’i lajmë me gjakun tonë shkallët...", Grida Duma publikon dokumentarin e protestës së Kavajës

“Ju bëjmë thirrje të gjithë atyre që janë të bindur se propaganda komuniste është fund e krye mashtrim të bashkoheni me zërin e përbashkët të urrejtjes në ndeshjen e 25 marsit Partizani-Besa dhe në minutën e 88-të të lojës të ngrihemi me gishtat lart dhe të brohorasim fort liri-demokraci.

T’i lajmë me gjakun tonë shkallët e stadiumit”– kjo ishte letra që dy të rinj nga Kavaja shpërndanë natën e 24 marsit të vitit 1990 nëpër shtëpi, duke shënuar kështu protestën e parë antikomuniste në Shqipëri.

Duke i kushtuar një dokumentar të shkurtër kësaj ngjarje, kandidatja për deputete e Partisë Demokratike, Grida Duma thotë se ky dokumentar vjen në respekt të sakrificës dhe si amanet i të flijuarve në protestën e parë për liri në stadiumin e “Besës”.