Spitali i Kavajës del nga varësia e “Shefqet Ndroqit” dhe bëhet spital bashkiak (VIDEO)

Spitali i Kavajës ka marrë zyrtarisht statusin e spitalit bashkiak, duke u ndarë nga Qendra Spitalore Rajonale “Shefqet Ndroqi”.

Lajmi është bërë i ditur nga Ministrja e Shëndetësisë, Evis Salla, përmes një postimi.

Sipas saj, ky ndryshim synon të forcojë shërbimin shëndetësor në nivel lokal dhe ta bëjë spitalin më të pavarur në menaxhim dhe në ofrimin e shërbimeve për qytetarët e Kavajës dhe zonave përreth.

Me statusin e ri, spitali pritet të ketë më shumë kompetenca organizative dhe të përmirësojë aksesin e pacientëve në trajtim mjekësor pa pasur nevojë për referime në qendra më të mëdha spitalore.