Socialistët nisin fushatën pa militantë, në sheshin “Skënderbej” vetëm kandidatët për deputetë

Edhe Partia Socialiste nisi zyrtarisht fushatën elektorale rreth orës 18:00 të mbrëmjes së sotme.

Socialistët do ta hapin fushatën në sheshin “Skënderbej” me praninë vetëm të kandidatëve të saj për deputetë.

Për këtë arsye, në këtë shesh janë vendosur rreth 140 karrige, aq sa është numri i kandidatëve për deputetë.

Tanimë, atje kanë nisur të vijnë kandidatët për deputetë si dhe kryeministri Edi Rama. PS e zhvillon çeljen e fushatës ndryshe nga herët e tjera, pra pa praninë e qytetarëve për shkak të pandemisë.

Fushata e PS ka nisur në sheshin “Skënderbej”, ku siç shihet në shesh janë vënë karrige me distancë, duke zbatuar masat anti-Covid.

Aty ka mbërritur edhe kryeministri Edi Rama, i cili pritet të mbajë fjalën e tij. Fushata e PS është hapur me Himnin e Flamurit, të kënduar nga Vikena Kamenica.