Skenë 'lufte' para Parlamentit, militantët e PD sulmojnë me gurë dhe lëndë shpërthyese efektivët e Policisë

Në sheshin para godinës së Parlamentit po zhvillohen përplasje të forta mes protestuesve të Partisë Demokratike dhe efektivëve të Policisë.

Report TV ka siguruar pamjet, ku duket se protestuesit po sulmojnë efektivët e Policisë me gurë dhe lëndë shpërthyese.

Nga ana tjetër, Policia u është përgjigjur me ujë dhe gaz lotsjellës, në mënyrë që të mbroje rendin kushtetues në vend.

Nga përplasjet para Kryeministrisë dhe para Parlamentit mes protestuesve dhe punonjësve të policisë, disa efektivë janë lënduar dhe transportuar në spital./Shqiptarja