Situata e rëndë me plehrat në Kavajë, Meta: Ky krim mjedisor meriton ndëshkim nga drejtësia (FOTO)

Presidenti i Republikes Ilir Meta përmes një postimi në facebook ka reaguar pas situatës së rëndë mjedisore krijuar me plehrat jo vetëm në Durrës, por edhe në bregdetin e Adriatikut.

Meta shkruan se kjo është e papranueshme dhe se institucionet përkatëse duhet të mbajnë përgjegjësi. Sipas tij ky krim mjedisor kërkon ndëshkim.

 "E papranueshme dhe e dënueshme ligjërisht situata e rëndë mjedisore, në prag emergjence, e shkaktuar nga mbeturinat në qendrat urbane dhe përgjatë bregdetit të Adriatikut, veçanërisht në kulmin e sezonit turistik.
Ky krim mjedisor, me pasoja të rënda për shëndetin e banorëve dhe të turistëve, për florën e faunën dhe që dëmton imazhin e Shqipërisë, meriton ndërgjegjësim dhe reagim të menjëhershëm efektiv të pushtetit vendor dhe të institucioneve përgjegjëse për mbrojtjen e mjedisit, si dhe ndëshkim nga drejtësia", shkruan Meta.