SHBA shpalli "non grata" Berishën dhe familjen e tij, Basha bën lëvizjen "e papritur"

Kreu i Partisë Demokratike, Lulzim Basha nuk e ka zhvilluar takimin e planifikuar këtë të mërkurë me strukturat e qarkut të Korçës. Selia blu ende nuk i ka bërë me dijë arsyet e mosmbajtjes së këtij takimi.

Burime për Vizion Plus thanë se Basha do të takohet një ditë tjetër me struktura e juglindjes së vendit.

Nuk dihet nëse kjo lëvizje e papritur ka lidhje me vendimin e SHBA-ve për të shpallur "non grata" ish-kryeministrin, Sali Berisha dhe familjen e tij.

Ende nuk ka një reagim në lidhje me çështjen nga Lulzim Basha ndërsa të shumtë kanë qenë demokratët që i kanë dalë në mbrojtje liderit historik të PD-së.