SHBA mbështesin publikisht SPAK-un, Nancy VanHorn takon Dumanin: Vijoni punën me guxim!

SHBA kane shprehur edhe njehere mbeshtetjen e tyre publike per prokurorine e posacme.

E Ngarkuara me Punë e SHBA ne Tirane, Nancy VanHorn, eshte takuar me kreun e SPAK Altin Dumani duke vleresuar pozitivisht angazhimin e ketij institucioni ne luften kunder krimit. 

Njoftimi:

E Ngarkuara me Punë Nancy VanHorn u takua sot me Drejtuesin e SPAK-ut Altin Dumani dhe Drejtuesin e Seksionit Kundër Korrupsionit në SPAK, Klodjan Braho, të cilët janë të përkushtuar në luftën kundër krimit të organizuar, korrupsionit dhe pandëshkueshmërisë në Shqipëri.

Znj. VanHorn shprehu admirimin e Shteteve të Bashkuara

për përpjekjet e palodhura të SPAK-ut dhe i nxiti ata të vazhdojnë punën e tyre të guximshme dhe të udhëhequr nga integriteti.

Ajo theksoi se SPAK dhe institucionet e pavarura të Shqipërisë kanë mbështetjen e plotë të Shteteve të Bashkuara në misionin e tyre për popullin shqiptar, duke shtruar rrugën e Shqipërisë drejt anëtarësimit në BE.