SHBA e shpalli "non grata", Flamur Noka mbron Berishën, i nxjerr fotot me presidentët amerikanë

Shpallja “Non Grata” e ish kryeministrit Sali Berisha nga Departamenti Amerikan i Shtetit ka sjellë reagime të shumta. Flamur Noka në një postim në rrjetet sociale, ka renditur sipas tij arritjet e Saki Berishës që nga rrëzimi i redgjimit komunist deri tek liberalizimi i vizave, që solli lëvizjen e lirë të shqiptarëve.

“Rrëzoi regjimin diktatorial, së bashku me forcën politike që krijoi solli demokracinë, anëtarësoi Shqipërinë në OSBE e në Këshill të Europës, anëtarësoi Shqipërinë në Nato, liberalizoi vizat,” shkruan Noka, ndërsa ka publikuar fotot e ish kryeministrit me liderët e SHBA.

Lidhur me këtë vendim të SHBA reagoi pak më parë vetë ish kryeministri. DASH e akuzon për korrupsion, por Sali Berisha shprehet se “nuk ka ekzistuar kurrë asnjë akuzë në adresë time, nga asnjë person, asnjë institucion vendas apo i huaj për abuzim të fondeve publike dhe çfarëdo lloj tjetër korrupsioni”.