Sali Berisha rekurs në Gjykatën e Lartë për masën e sigurisë “detyrim paraqitje”!

Kreu i PD Sali Berisha ka depozituar një rekurs në Gjykatën e Lartë për të kundërshtuar masën e sigurisë “detyrim paraqitje”, me vendim të gjyqtarit Engert Pëllumbi.

Pas këtij vendimi Berisha është i detyruar që të paraqitet në SPAK çdo të hënë të parë dhe të tretë të muajit. Ish-kryeministri u paraqit për herë të fundit në SPAK më 3 mars, në përputhje me vendimin e gjykatës.

Përmes rekursit në Gjykatën e Lartë, Berisha synon të kundërshtojë këtë masë sigurie, duke kërkuar një rishqyrtim të vendimit.