Rinumërohen 4 kutitë e para në qarkun e Beratit, KAS i njeh vetëm një votë LSI-së

Pas vendimit për pranimin e ankesës së LSI, KAS ka filluar procesin e rinumërimit të 114 kutive në qarkun e Beratit.

Deri më tani janë rinumëruar 4 kutitë e para dhe janë gjetur 11 fletë votimi të kontestuara, por KAS ka vendosur që vetëm 1 fletë të kalojë në favor të LSI-së, ndërsa për 10 të tjerat të  lihet në fuqi vendimi i KQZ-së.

Qarku i Beratit mund të ketë ndryshim rezultati nëse LSI merr të paktën 77 vota të tjera nga fletët e kontestuara, pasi socialisti Blendi Klosi ia mori mandatin Ardit Çelës me diferencë shumë të vogël.