Rama në Izrael, vizitë në qendrën mjekësore Sheba: Mezi prisja të vija këtu!

Kryeministri Edi Rama ndodhet në Tel Aviv të Izraelit, ku ka zhvilluar një vizitë në Qendrën Mjekësore Sheba, me të cilën QSUT ka firmosur një marrëveshje bashkëpunimi.

Gjatë vizitës së tij, Rama falënderoi zyrtarët izraelitë për mbështetjen që i kanë dhënë vendit tonë.

“Është një nder i madh dhe privilegj. Mezi po prisja të vija këtu prej shumë kohësh.

Takimi u bë realitet por u bë realitet edhe takimi me mjekët dhe ekipin e spitalit Nënë Tereza. E vlerësojmë jashtëzakonisht shumë mbështetjen tuaj”, tha Rama.