Rama: Kush luan me taksat e shqiptarëve është i vetëm përballë drejtësisë

Pas kritikave për drejtuesit e Policisë së Shtetit, kryeministri i Shqipërisë, Edi Rama, ka mbledhur në një takim kryebashkiakët e vendit.

Shkaku sipas tij i afrimit të takimit të planifikuar në fund të muajit, ishte arrestimi i kryetarit të bashkisë Lushnjë, Fatos Tushe.

Ai nga aty u shpres se nuk është as detyra e kryeministrit dhe as e Partisë Socialiste të kërkojë pafajsinë e të akuzuarve.

“Ky është rasti për t’iu përsëritur juve dhe të tjerëve që kanë marrë besimin e shumicës, se PS-ja nuk është zyrë avokatie e të pandehurve”, tha Rama në mbledhje.

Kryeministri theksoi se korrupsioni bakshishi dhe ryshfeti nuk kanë ngjyrë politike.

Në mbledhje u dha lajmi për shkarkimin e Tushes nga detyra dhe përjashtimin e tij nga PS-ja.

Rama u shpreh se masa do të rishikohet vetëm nëse ai del i pafajshëm.

“Ne i marrim këto masa për të dhënë një mesazh”, tha kryeministri në takim.

Ky mesazh sipas tij është: “Kush luan me taksat e shqiptarëve dhe fut duart në xhepat e tyre, është thjesht i vetëm me avokatin e vet personal përballë drejtësisë”.

Rama në takim iu drejtua kryebashkiakëve që t’i vendosin gishtin kokës, dhe të kuptojnë që mandati i tretë kërkon trefishin e punës.

Në analizën e tij kryeministri u shpreh se problemi kryesor i të gjithave bashkive ishte prokurorimi publik.

“Sapo ka hyrë në fuqi paketa e re ligjore në prokurorimet e përgjithshme në Republikën e Shqipërisë”.

Ndër të tjera Rama tha se “kjo paketë mbështet fuqizimin e mekanizmave monitorues dhe ndëshkues”.

Ftesa e tij për kryebashkiakët ishte studimi i kësaj pakete, dhe kërkesa e tij ishte mosndërhyrja në procesin e prokurorimeve publike.