Rama ironizon opozitën nga Berlini: Speciet më të ulta në listën e PD, 11 maji zgjedhje mes BE dhe kënetës

Nga Berlini, aty ku po qëndron për të dytën ditë radhazi për panairin e turizmit, kryeminsitri Edi Rama  ka komentuar në rubrikën ‘Sy m sy’ raportin me SHBA, duke bërë edhe një paralajmërim.

Rama: Unë nuk kam pasur probleme i dashur por ti qenke zgjuar në kënetë. Të jesh i sigurt që unë e kaloj oqeanin sa herë të dua. Dua të të bëj një surprizë të këndshme ty e kënetës.

Një koment, kreu i qeverisë e kishte edhe për situatën në Partinë Demokratike koalicionin me të cilin ajo do të garojë në zgjedhje.

Rama: Speciet më të ulëta të politikës do jenë aty.

Duke u ndalur te zgjedhjet e ardhshme parlamentare, shefi i mazhorancës ruajti të njëjtën retorikë.

Rama: 11 maj. Zgjedhja përmes votës është e qartë ose një votë për mua dhe për ne bashkë për Shqipërinë për tu anëtarsuar në BE ose për kënetën dhe për t’u kthyer prap në gropën e kuak kuak kuak. Ata që do hedhin votën për ata, do t’i bjenë në qafë shumë keq fëmijëve.

Nga stenda e panairit kryeministri Edi Rama shpalosi një tjetër objektiv duke pretenduar se 12 milionë turistë do vizitojnë Shqipërinë gjatë këtij viti.