Rama e Çuçi hiqen nga lista, kush janë zyrtarët që do të merren në pyetje te “TIMSI”

Me debate u zhvillua edhe këtë të mërkurë mbledhja e Komisionit Parlamentar Hetimor për sistemin TIMS. Anëtarëve iu deshën më shumë se tre orë për të miratuar emrat e dëshmitarëve të propozuar më herët.

Socialistët rrëzuan propozimet e ekspertëve për të dëshmuar në këtë komisionin Kryeministri Edi Rama dhe ish-Ministri i Brendshëm, Bledi Çuçi. Ndërkohë, u miratuan për të dëshmuar emrat e disa zyrtarëve dhe ish-zyrtarëve.

Ata të cilët do të thërriten nga Komisioni Hetimor për tu pyetur janë, ministri i Brendshëm, Taulant Balla, drejtori i Policisë Muhamet Rrumbullaku, Florian Sulejmani, ish-drejtori i AMP Ardi Veliu, Saimir Boshnjaku, Zef Laska,Neritan Nallbati, Dorjan Tola, Ervina Gjana, Besjon Tanuzi, Enri Ndoni, Ardit Muça, Besnik Dervishi.

Gjithashtu gjatë kësaj mbledhje u vendos që të mos ketë ekspertim të vendit të ngjarjes e as nuk do të thirren ekspertë nga gjykata sikundër kishte propozuar opozita.

Lista e plotë:

Taulant Balla, ministër i Brendshëm,

Muhamet Rrumbullaku, drejtori i Përgjithshëm i Policisë së Shtetit

Florjan Sulejmani, drejtor i Përgjithshëm i Agjencisë së Mbikëqyrjes Policore

Ardi Veliu, ish-drejtor i Përgjithshëm i Agjencisë së Mbikëqyrjes Policore

Saimir Boshnjaku, drejtor i departamentit për Kufirin dhe Migracionin

Zef Laska, drejtor i burimeve njerëzore në Policinë e Shtetit

Neritan Nallbati, drejtor i departamentit të policisë kriminale

Dorjan Tola, ish-drejtor i AKSIK (Autoriteti Kombëtar për Sigurinë e Informacionit të Klasifikuar)

Ervin Muça, ish-drejtor i departamentit të IT në Policinë e Shtetit

Ervina Gjana

Besjon Donuzi

Enri Ndoni

Ardit Muça

Besnik Dervishi, drejtor i përgjithshëm i doganave

Autoriteti Kombëtar i Ushqimit

Inspektoriati Shtetëror Shëndetësor

Agjencia e Inteligjencës dhe Sigurisë së Mbrojtjes

Drejtori i Përgjithshëm i Parandalimit të Pastrimit të Parave