"Për mua thoshin se ‘ky do të bëhet si Putini’!", Rama: T’u puthim duart shqiptarëve që na dhanë votat

Rama u shpreh se kur kërkonte një mandat të fortë ishte akuzuar nga kundërshtarët se synonte përqendrimin e pushtetit, por sipas tij koha ka treguar të kundërtën.

Ai theksoi se miratimi i paketës prej 27 ligjesh të lidhura me negociatat europiane nuk do të ishte i mundur pa numrat aktualë në parlament.

Sipas Ramës, një shumicë më e brishtë do ta kishte futur vendin në bllokim politik dhe do të pengonte procesin e integrimit.

“Kur unë thosha na duhet një mandat i fortë, thoshin ky do të bëhet si Putini. Por ja ku jemi sot. Në fund të janarit kemi kaluar 27 ligje që ishin vetëm për negociatat. Një pjesë e tyre kërkonin 84 vota. Po të mos i kishim këto numra dhe opozita të kishte më shumë ndikim, negociatat do të bllokoheshin”, deklaroi Rama