"Partneritet strategjik mes vendeve tona"/ Kryeministri Rama poston foto krah ambasadorit të SHBA në NATO

Edi Rama ka ndarë në Facebook një foto me Ambasadorin e SHBA-së në NATO, Matthew Whitaker, duke theksuar marrëdhëniet e ngushta mes Shqipërise dhe Shtetet e Bashkuara të Amerikës.

Në mesazhin e tij, Rama tha se biseda u fokusua te partneriteti strategjik, bashkëpunimi diplomatik dhe ushtarak, si dhe forcimi i marrëdhënieve mes dy vendeve.

Ai veçoi edhe Samitin e NATO-s që pritet të zhvillohet vitin e ardhshëm në Tiranë, duke e cilësuar Shqipërinë si një pikëtakim të rëndësishëm të aleancës.

Sipas Ramës, forcimi i bashkëpunimit me aleatët mbetet prioritet i përbashkët.