Pagesat për shkollën e fëmijëve të Ilir Metës e Monika Kryemadhit, SPAK kërkon prova nga Britania

Prokuroria e posacme po kryen hetim pasuror per ish presidentin Ilir Meta dhe bashkeshorten e tij Monika Kryemadhi.

Raportimet per kete fakt kane qene te shumta. 

Gazetarja e Top Channel, Anila Hoxha e ftuar në “Breaking” në Top News tha se SPAK ka dërguar letërpororsi për kreun e Partisë së Lirisë, Ilir Meta dhe bashkëshorten e tij, deputeten Monika Kryemadhi.

“Prokuroria e Posaçme Antikorrupsion ka dërguar së fundmi letërporosi edhe në Britaninë e Madhe për të marrë informacion shterues sa i takon shkollimit dhe udhëtimeve nga njëra anë të çiftit Meta dhe shkollimit të fëmijëve të tyre.

Është një veprim i kryer nga SPAK së fundmi siç ka dërguar letërporosi në Qipro, sa kohë ka përcjellë një informacion të vakët sa i takon lobimit me kompaninë qipriote dhe meqenëse informacioni ka qenë disi i cunguar, SPAK ka vlerësuar se duhet të komunikojë sërish bazuar në marrëdhëniet juridiksionale të shteteve përkatëse për të përfituar informacion”, tha Hoxha.